***

hər gözlərinə baxanda gözlərim intihar edir,

göz yaşlarım kəndir kimi boğur məni.

hər şer yazdıqca sətirlərim ahu-zar edir,

hamilə bir qadın tək qələmdə doğur məni.

                ***

yum gözlərini uşaqlığına,
al qucağına,
buraxma,
birdən yıxılar dizi qanıyar.

kövrələr baxıb,
anasının vuran əllərinə,
ağlayar gözü qanıyar.

           ***

o qədər çılpağam ki, beynim üşüyür,

geyinə bilmədim səni,hər yerim üşüyür.

gönün çox qalındır, içində tərləyirəm.

soyunub atdım səni bir qırağa.

               ***

özümü sənə qarışdırıram getdiyin yollara baxıb,
küçələr sarılır gözlərimə,boğur məni.
baxışlarım qırmızıdır.

bədənimə o qədər dolmusan ki,
damarlarım partlayır ülgüc üstünə, 
çəkirəm səni divarıma
naxışlarım qırmızıdır.

***

şəhər böyüdükcə kiçilir insanlar,
hər yer olur toz-torpaq,
tozdan seçilmir insanlar.

parklar, otellər,binalar rənglənir,
amma rəngsizləşir ,

bozdan seçilmir insanlar.