Ali qalsın duyğular
Mirzə Lazım tərəfindən "Şeir" bolməsinə 12:31 04 avqust 2019 tarixində əlavə olunmuşdur

Hissin ən alisi

ən güclü anında belə

təmənnasız sevə bilməkdir özgəni

Sevginin ən alisi

tənhalığın iki nəfərlik halıdır

Məqamın ən alisi

iki sükut arasına sığa biləcək andır

iki tənhanın sükutda susqun baxışlarıyla

bir-birinə zillənməsidir ən dərin duyğu

Lakin... Yenə də,

hüzündür dünyanın insana ilk yaşatdığı,

çünki, öz ağlama səsidir körpənin ilk duyduğu...

 

* * *

 

Duyğu və hisslərinin müharibəsidir şair...

Şairin ən dayanıqlısı

xoşbəxtlik axtarışında hissə qapılmayanı,

xoşbəxtliyinsə əsli heç vaxt tapılmayanıdır...

Axtarış deyil, olmayanı tapmamağa dirənməkdir mənimki

Bütün “vacib” şeyləri

gözardı etdiyimə və hərdəmxəyallığıma görə

danlayardın məni yəqin ki...

Bir xeyri varmı ki görəsən bunun?!

İçimdəki şair oyanandan

Hər şey mənim üçün təsirsiz olub,

səndən danlaq almaq da məni incitmir inan

Bilirəm ki, uzaqbaşı,

sən məyus olacaqsan,

mənsə şeir yazacağam...

Könlünü almağın da bir yolunu tapacağam..

Yetər ki,

ali qalsın bu hisslər,

ali qalsın duyğular...


... dəfə oxunub
Qiymət verilməyib...
[qiymət ver ]
Şərh yaz
7+28=
Hesaba giriş
Müəllif

Mirzə Lazım
Haqqında
Bir gün bütün balıqların günəşə qovuşması diləyi ilə...
Əlaqə
E-mail:
[email protected]
Sosial şəbəkə:
Facebook
YouTube-da izlə
Facebook
0.0293 saniye