Tut əlimi, apar məni səmalara
Vermə sual, niyə, nə vaxt , dəqiq hara?
Seçim etmə, bu əllərim ağ ya qara
Övladınam, bəs etməzmi bunca yara?

Bax artıq qul deyiləm hisslərimə,
Yox artıq döyməyəcəm dizlərimə,
Qoy olsun apar məni lap dərinə,
Dönüb baxmaram artıq izlərimə,

İtirməsən qazanmarsan, bildim bunu,
Öyrət mənə, axı nədir bunun sonu,
Yaşamaqsa arzularla onda onu,
İstəmirəm, geyinmirəm oyun donu

On ikidən doqquza qədər
Dörd hissədə qurtarsın kədər
Öyrət mənə keçməsin hədər
Ayırdığın vaxt? Yoxsa çəpər?