Sən bu fələyin gərdişi dövranına bir bax!

Dərd-qəmlə dönən çərxi-dəyirmanına bir bax!

***

Aşiqlər əzəldən belə tarimardı dostum,

Vecsiz yaşayan işvəli cananına bir bax!

***

Eşqdən qəti umma özünün dərdinə məlhəm,

Sərgərdan olan Məcnunun ünvanına bir bax!

***

Hərgah azar isən yolu şəhvət diyarında,

Xəlq eyləyənin nur dolu fərmanına bir bax!

***

Dərvişlər içrə gəl arama başqa nümunə,

Turqay deyilən dərdli qəzəlxanına bir bax!