“Cəhənnəm çuxuru” adı ilə tanınan bu yer Türkmənistanın Darvaza qəsəbəsində yerləşir. Çuxura “Cəhənnəmə açılan qapı” da deyirlər. 36 il bundan əvvəl aparılan qazıntı vaxtı işçilərin qarşılaşdıqları yeraltı mağaranı dinamitlə partlatmaq lazım gəlir. Bu vaxt yerin altından çıxan zəhərli qazlar yanmağa başlayır. İşçilər canlarını güclə qurtara bilirlər. Elə o vaxtdan bəri buradakı alov sönmür. İlin bütün fəsillərində yanan çuxurun ətrafına, maraqlıdır ki, gecələr quşlar yığışır. Darvazalı ziyalı qocalar isə çuxurun lənətli olduğuna inanırlar. Onlar, hətta bəzi vaxtlarda çuxurdan qəribə səslər eşitdiklərini də deyirlər. Yerli əhali artıq çuxur haqqında əfsanələr də qoşub.