Din şou - SATİRA
Yusif Nazim Ərəbsoy tərəfindən "Şeir" bolməsinə 18:46 07 aprel 2014 tarixində əlavə olunmuşdur

Din şou

 

Namaz qılanların çoxalıb sayı,

Haqqa tapınanlar az-azdır, amma.

Hər haca gedənin, hacdan gələnin,

Nəfsi paklaşıbmı?

               Tövbə inanma.

Quranı pul ilə oxuyan molla,

Sən demə, var imiş rüşvət dində də?

Fırıllaq mollalar, işbaz hacılar,

Dünən də var idi, var bu gündə də.

 

Bu gün mollaların doxsan faizi,

Xalqa kələk gələn falçı, cadugar.

Bu təzə əsr də ayıltmıb bizi,

Yenə o Nəsrullah, Məstəli şah var.

 

Yenə məscidlərdə nəzir qutusu,

Yenə nəzir verən avam camaat.

Molladı, axundu kəndin lotusu,

Pak, təmiz mollalar azdı bu saat.

 

Molla Qəmbərqulu töküb kasaya,

Cinlə əlbir olub üfürür suya.

Əcaib kəlmələr donquldanaraq,

Bu qız qarımışçün ər tapır guya.

 

Ehsanda nə yoxdu toydan beşbetər,

Ölüm ucuzlaşıb, ehsansa baha.

Qarmonu, zurnası əskikdi yasın,

Qoy acıq getməsin sözüm Allaha.

 

Ehsana çəkdiyin xərcin yarısın,

Bir yardım eyləsən kasıb xəstəyə,

Vallah bir yol çəkib, bir ağac əksən,

Min rəhmət deyilər ölən kimsəyə.

 

Nə lazım baş daşın bürü parçaya,

Əgər qismət olsa kəfən bəsimdir.

Bir gün bu şerimi oxuyan kimsə,

Sən mənə bir rəhmət desən, bəsimdir.

 

Yusifə nə lazım təmtəraqlı yas,

Yasında verməyin kivi, ananas.

Vəsiyyət eylədin, rəhmətlik oğlu?

Day bəsdi, misranın nöqtəsini bas.

 

 Yusif Nazim Ərəbsoy


... dəfə oxunub
Qiymət: 8/10(6 səs)
[qiymət ver ]
Şərh yaz
10+19=
Hesaba giriş
Müəllif

Yusif Nazim Ərəbsoy
Haqqında
YUSİF NAZİM ƏRƏBSOY (Məmmədov Yusif Ağaəhməd oğlu, “Nazim” - nəzmə çəkən, şeir yazan deməkdir) 1988 - ci il oktyabrın 10 - da Şamaxı rayonunun Ərəbqədim kəndində anadan olmuşdur. 1995 - ci il sentyabrın 1-də Qobustan rayon Göydərə kənd 9 illik əsas məktəbin 1 - ci sinfinə daxil olmuşdur. 2004 - cü ildə bu məktəbi bitirərək, orta təhsilini davam etdirmək üçün fizika-riyaziyyat və informatika təmayüllü liseyə qəbul edilmiş və 2006 - cı ildə bu məktəbin məzunu olmuşdur.  Bakı Slavyan Universitetinin “Yaradıcılıq” və Bakı Dövlət İqtisadiyyat və Humanitar Kollecinin “Mühasibat uçotu və audit” fakültələrini bitirmişdir.         Yaradıcılığa 14 - 15 yaşlarından başlayan Yusif Nazim Ərəbsoy əsasən, satirik mövzuda yazır. 2011 - ci ilin may ayında böyük satirik şairimiz M. Ə. Sabirin vəfatının 100 illiyinə həsr olunmuş “Satira və qəzəl” müsabiqəsinin fəxri diplomuna layiq görülmüşdür. 2015-ci ildə Azərbaycan Respublikası Prezidenti yanında "Bilik" fondunun "Vətənpərvərlik" mövzusunda ümumrespublika üzrə elan etdiyi müsabiqədə "Sərçə sevgisi" adlı şeiri 1-ci yeri qazanmışdır. "Şou dünya" adlı kitab müəllifidir. Kitabda müəllifin satiraları, sevgi və digər mövzuda yazdığı şeirləri, eləcə də aforizmləri çap olunmuşdur.          
Əlaqə
Tel.:
(070) 686 - 06 - 25, (050) 993-03-60
E-mail:
[email protected]
Sosial şəbəkə:
Facebook
Ordenlər
Mirzə Ələkbər Sabir Ordeni
YouTube-da izlə
Facebook
0.047 saniye