gəl ay it balası, 
quyruğunu bula,
ayağımı mən tərpədim,
sağa-sola,
addımlarımla oyna.

sən də darıxma,
mən də.
sonra mən gedim mənzilimə.

qaranlıq blokda qarşıma bir pişik çıxsın,
diksinim,
söyüm onun var-yoxunu.

o da baxıb mənə ürküb,getsin.
sənsə ay it balası,
arada bir gəl qapımın qabağında zingildə,
bərk sərxoş olsam açacam qapını.
keçərsən içəri.
ağzına ətini yeyib atmadığım sümüyü ataram.
sən yeyib yatarsan,
mən də içib.