"QANLI ÇÖRƏK"
Vüsalə Vətənxan tərəfindən "Şeir" bolməsinə 17:39 05 aprel 2018 tarixində əlavə olunmuşdur

"Qanlı çörək"

Bir uşaq yeriyir küçə başında, 
Böyük baxışı var uşaq yaşında, 
Həmən baxışlardan dadmayıb gözüm, 
Bir uşaq daşıyır özündə dözüm. 
Yalın ayaqlardan tökülür torpaq, 
Göz yaşı geyinib, özüsə çılpaq, 
Yeriyir, əlində bir parça çörək, 
O qanlı çörəyi yeməsin gərək...

İlahi, bu qədər nə ağır yükdür, 
Uşaqkən çəkdiyi yükü böyükdür. 
Soyuq güllələrdən sağ qalıb deyə, 
Ağlayır, qəlbində dağ qalıb deyə. 
Ana-atasından ayrılıb deyə, 
Düşmənə "qol gücü" çatmayıb deyə...

Ölüm beşiyindən qalxıb, yeriyir, 
Bir "uşaq dünyası" məhv olub gedir. 
Qanlı hekayələr yazır yaddaşa, 
Daş da parçalanar, söyləsən daşa. 
Ağlayır, dodaqda hıçqırıqları, 
Yas tutur içində oyuncaqları. 
Bir ovuc su istər ana əlindən, 
Hey "ana" kəlməsi qopur dilindən. 
Kimsədən istəməz nə bir təsəlli, 
Fəryadlar içində, nədir təsəlli?...

Susdur bu körpəni şirin sözünlə, 
Ağla əvəzinə sən, öz gözünlə. 
İnandır sən xoşbəxt gələcəyinə, 
Gözəl bir dünya ver yetim qəlbinə, 
Bacarsan dərdini al ürəyinə, 
Uşaq ol, sən böyü onun yerinə. 
Uşaq ol, sən böyü onun yerinə...


"Ayaq səsi" hekayə kitabından.
Vüsalə Vətənxan / 2017.


... dəfə oxunub
Qiymət verilməyib...
[qiymət ver ]
Şərh yaz
8+8=
Hesaba giriş
Müəllif

Vüsalə Vətənxan
Haqqında
Vüsalə VƏTƏNXAN Mehri Gənc yazıçı-ssenarist, şairə-qəzəlxan. İnstagram: vetenxan_vusale_mehri Youtube: Yazar Vüsalə Vətənxan FB: Gənc Yazar Vüsalə Vətənxan Mehri və Yaradıcılığı. VİG TV ([email protected])-da təsisçi və redaktor. YARADICILIĞI 2012-2015-ci illərdə müxtəlif Mədəniyyət evlərində bədii tədbirlərdə iştirak etmiş, bu sahədə təşəkkürnamələr və fəxri diplomlar almışdır. 2016-cı ildə "Foto-fakt" qəzetinin keçirdiyi rəy sorğusunun nəticələrinə əsasən “İstedadlı Gənc Qələm” fəxri mükafatı ilə təltif olunmuşdur. 2015-2016 –cı illərdə “Ulusəs” və “Yeni şans” qəzetlərinin redaksiya heyətləri tərəfindən “Ədəbi Söz Sahibi” və “Yaradıcı Qələm Sahibi” fəxri diplomu təltif olunmuşdur. 2018-ci ildə Mədəniyyət Nazirliyinin təşkili ilə “Söz” ədəbi layihəsi çərçivəsində keçirilən “Nəsimi – şeir, sənət və mənəviyyat” festivalının (Leyla xanım Əliyeva tərəfindən) təltif edilmiş diplomatlardandır. 2019-cu ildə İmam Zaman Ağanın adına keçirilən “İntizar” qəzəl müsabiqəsinin qaliblərindən olmuşdur. 2019-cu ildə N Saylı hərbi hissədə Mübariz İbrahimov adına keçirilən tədbirdən fəxri diplom ilə mükafatlandırılmışdır. MÜƏLLİFİ OLDUĞU KİTABLAR. "Bir ovuc kölgə...", "Ayaq səsi", "Dözümə yer ver.", “Qəzəl Gülü”. (Hal-hazırda yeni roman üzərində çalışır.) SSENARİLƏRİ. “Qızlar”, “Tələbənin günlüyü”, “Özgə həyat”, “Bu son deyil”, “Ömürdən alınan 29 il”, “Vətən gülü”, “Hərbi Hospital-2020”. Antologiyalar. "Zərif Kölgələr 1 -2 -3", "Vətən Mücahidləri 1 -2", “Xəzər Təzkirəsi 2”, “Türk dünyası şairləri”, “Arzuların şəhidi”, “Türkay” və s. Şeir və məqalələrim müntəzəm olaraq “Hürriyyət”, “Bakı Xəbər”, “İki sahil”, “Yurd jurnalı”, “Hərbi and” və bir çox dövrü mətbuatda işıqlandırılıb. Çap olunduğu qəzet və jurnallar. "Ulduz", "Fatimə" jurnalı. "Oxu məni", "Palitra", "Azərbaycan", "Vətənpərvərlər" qəzetləri və s. ÜZVÜ OLDUĞU ƏDƏBİ MƏCLİSLƏR "Dirili Qurbani", "Ozan", "Aşiq Pəri", "Vahid", "Məcməüş-şüəra", “DGTYB”, "Saqiyi-Kövsər", "Qələmin sədası" və Azərbaycan Yazıçılar Birliyi Xəzər Bölməsi. İş fəaliyyəti. TV kanallarda yazıçı-ssenarist, sayt üzrə redaktor və VİG TV idarəçisi, təsisçi. Fitret.az-da redaktor. İşlədiyim tv programlar: “Badambura” t/s, “Oyun” t/s, “Qəzəb” t/s, “Zərbə” t/s, “Nurayın günlüyü”, “Atılmışlar” t/s, “Kitchen chef”, “X-serviz”, “David Romanov”, “Son gecə” və s. Vəzifəsi: Ssenarist, rekvizist, rejissor assenti, qrim, geyim rəssamı və s. Üzvlük. AYB, YAP @2023
Əlaqə
Tel.:
077-727-71-87
E-mail:
[email protected]
Sosial şəbəkə:
Facebook
YouTube-da izlə
Facebook
0.031 saniye