Sən, qələm və şeir
Mirzə Lazım tərəfindən "Şeir" bolməsinə 17:35 04 aprel 2021 tarixində əlavə olunmuşdur

Hər sözü gətirmək olmur dilinə

İçimdə bir mən var, deyir ki mənə,

Gəl gedək həyatın yoxluq yerinə

Nə dünya, nə səma, nə də ki yer var

 

Yolumda sədd quran bu duyğularsa,

Xeyir, şər qardaşdır ziddinə varsan,

Şər olsun qoy səndən gələn nə varsa

Deyirlər, hər şərdə bir də xeyir var

 

Dəyər zənn etdiyin çıxırsa dönük,

Bu dərdin ağrısı dəyərdən böyük

Çiynimdə Zərdüştdən otuz illik yük

Hələ də yoluma davam deyir var

 

Bilirəm, bu yükü daşımaq olar

Bir hisslə fikrindən daşınmaq olar

Hələ ki, bir az da yaşamaq olar

Sən varsan, qələm var, bir də şeir var


... dəfə oxunub
Qiymət verilməyib...
[qiymət ver ]
Şərh yaz
5+6=
Hesaba giriş
Müəllif

Mirzə Lazım
Əlaqə
E-mail:
[email protected]
Sosial şəbəkə:
YouTube-da izlə
Facebook
0.0182 saniye