Təzə - SATİRA
Yusif Nazim Ərəbsoy tərəfindən "Şeir" bolməsinə 11:22 04 aprel 2014 tarixində əlavə olunmuşdur

Təzə

Sən geri qaldın, bala, dövran təzə,
Bir nəzər et, hər tərəf, hər yan təzə.

Leylidi, Məcnundu bular köhnəlib,
Eşqi - məhəbbət təzə, canan təzə.

Ar nədi, qeyrət nədi, imicdi bu,
Tazə əsr, qız təzə, oğlan təzə.

Vağzalı medlinnidi, ay bəxtəvər,
Bəylə gəlin vurmağa şampan təzə.

Bir fərədən hər yumurta başqa cür,
İndi xoruzlar da verir ban təzə.

Aptekində alverinin xətrinə,
Hər nə gəldi yaz, de: “bu dərman təzə”.

Şousevər olmuş nə gözəl millətim,
Verliş şoudur baxın ekran təzə.

Çıx TV-də sən yenə meydan sula,
Yaltaq həməndirsə də ünvan təzə.

İndi papış yox, geyinir dikdaban,
Peyda olub dövrana şeytan təzə.

Saymırıq israfçılığı biz haram,
Molla müasirdi, çün ehsan təzə.

Bəsdi lağ etdin bizə, Yusif, yetər,
Bir dəfəlik qan ki, bu dövran təzə.

Yusif Nazim Ərəbsoy


... dəfə oxunub
Qiymət: 9/10(10 səs)
[qiymət ver ]
Şərh yaz
3+31=
Hesaba giriş
Müəllif

Yusif Nazim Ərəbsoy
Haqqında
YUSİF NAZİM ƏRƏBSOY (Məmmədov Yusif Ağaəhməd oğlu, “Nazim” - nəzmə çəkən, şeir yazan deməkdir) 1988 - ci il oktyabrın 10 - da Şamaxı rayonunun Ərəbqədim kəndində anadan olmuşdur. 1995 - ci il sentyabrın 1-də Qobustan rayon Göydərə kənd 9 illik əsas məktəbin 1 - ci sinfinə daxil olmuşdur. 2004 - cü ildə bu məktəbi bitirərək, orta təhsilini davam etdirmək üçün fizika-riyaziyyat və informatika təmayüllü liseyə qəbul edilmiş və 2006 - cı ildə bu məktəbin məzunu olmuşdur.  Bakı Slavyan Universitetinin “Yaradıcılıq” və Bakı Dövlət İqtisadiyyat və Humanitar Kollecinin “Mühasibat uçotu və audit” fakültələrini bitirmişdir.         Yaradıcılığa 14 - 15 yaşlarından başlayan Yusif Nazim Ərəbsoy əsasən, satirik mövzuda yazır. 2011 - ci ilin may ayında böyük satirik şairimiz M. Ə. Sabirin vəfatının 100 illiyinə həsr olunmuş “Satira və qəzəl” müsabiqəsinin fəxri diplomuna layiq görülmüşdür. 2015-ci ildə Azərbaycan Respublikası Prezidenti yanında "Bilik" fondunun "Vətənpərvərlik" mövzusunda ümumrespublika üzrə elan etdiyi müsabiqədə "Sərçə sevgisi" adlı şeiri 1-ci yeri qazanmışdır. "Şou dünya" adlı kitab müəllifidir. Kitabda müəllifin satiraları, sevgi və digər mövzuda yazdığı şeirləri, eləcə də aforizmləri çap olunmuşdur.          
Əlaqə
Tel.:
(070) 686 - 06 - 25, (050) 993-03-60
E-mail:
[email protected]
Sosial şəbəkə:
Facebook
Ordenlər
Mirzə Ələkbər Sabir Ordeni
YouTube-da izlə
Facebook
0.0263 saniye