Yetər ki anama dəyməsin zaman
Gülnarə Sadiq tərəfindən "Şeir" bolməsinə 03:28 25 noyabr 2014 tarixində əlavə olunmuşdur

Hər gün bu dünyaya yalvarıram mən,

Nə olar anama dəyməsin zaman.

Dünyadan əl çəkib sovruluram mən,

Yetər ki anama dəyməsin zaman.

 

Razıyam ömrümün baharı solsun,

Ümidi qırılsın, pənahı dönsün,

Sevgisi xor baxsın, eşqi yan dönsün

Yetər ki anama dəyməsin zaman.

 

Yetər ki əlindən süzülsün telim,

Ən şirin nəğməylə tökülsün dilim,

Tək onun önündə bükülsün belim,

Yetər ki anama dəyməsin zaman.

 

Bu kiçik dünyamın nəhəng sultanı,

Bu payız ömrümün tək bahar anı,

Yerinə qocalım, mən verim canı,

Yetər ki anama dəyməsin zaman.

 

Saçının dənini saçıma əkim,

Qəlbindəki dərdi könlümə biçim,

Onun alovuna mən yanım, bitim

Yetər ki anama dəyməsin zaman.

 

 


... dəfə oxunub
Qiymət: 10/10(1 səs)
[qiymət ver ]
Şərh yaz
10+25=
Hesaba giriş
Müəllif

Gülnarə Sadiq
Haqqında
Gülnarə Sadiq – Qasımova Gülnarə Ələkbər qızı 1985-ci il Azərbaycan respublikası,Gəncə şəhərində anadan olub.İlk təhsilini 2000-ci ildə həmin şəhərdə bitirdikdən sonra Gəncə Dövlət universitetinə qəbul olmuş və 2006-cı il həmin unuversiteti bitirmişdi.Uşaqlıq illərindən ədəbiyyata olan marağı Gülnarə qısa şeirlər yazırdı.Yazıları “Töhvə”, “Odlar Yurdu“qəzetlərində,”Məhəbbət işığında”,”Gəncliyin Səsi” almanaxlarında derc edilmişdi.Gəncə Dövlət Universitetinin nəzlində fəaliyyət göstərən “Gəncliyin Səsi”ədəbi dərnəyinin üzvü olmuşdu.Halhazırda www.vehdet.org saytının baş redaktorudu.
Əlaqə
E-mail:
[email protected]
Sosial şəbəkə:
Facebook
YouTube-da izlə
Facebook
0.0292 saniye